Thank you my dear Allah

Aye pengen menghaturkan banyak-banyak terima kasih sama Allah SWT yang Maha Pemberi dan Maha Pengampun (translation: Alhamdulillahirobbil'alamin).
Iye nih, meskipun dosa2 aye bejibun, tapi Allah emang Maha Baik deh pokoknya, aye masih dianugerahi ulang taun yang bener2 sepesial banget. Aye bener2 demen dah malem minggu ari ntu.

Temen2 aye banyak bener dah nyang pada peduli, gitu. Banyak nyang kasih ucapan, ngasih doa, ama yang paling aye demen mah banyak juga nyang ngasih aye bingkisan, gitu. Makasih ye semuenye, jangan bosen2 ye...

Trus abis ntu, aye mampir juga ke bupet (kalo orang2 belande sih nyebutnya bufey). Makanannya macem-macem bener dah, aye aje sampe bingung mau ngembat yang mane duluan. Ada pancoran dari cokelat segala. Waktu di kampung pan emak aye juga kalo lagi hari raye suka beliin cokelat buat aye ama adek aye dari pasar. Itu tuh, cokelat cap ayam jago, nikmat dah pokoknya.

Trus.....apalagi yah. Oiya kata pa Udin nyang suka ngajar di SD 05 pagi, kalo mao cerita tu harus ada disimpulinnya. Jadi, aye mau mengenyimpulkan, bahwasanya aye mau ngucapin makasih yang pertama-tama mah ke Allah SWT, makasih udah ngasih aye banyak banget anugerah dan maapnya. Trus nyang berikutnya buat keluarga aye. Trus nyang berikutnya lagi semua sobat2 aye nyang udah repot2 ngasih selamat ame bingkisan. Makasih banget ye semuenye..Ai lop yu oll (ini juga diajarin pa Udin, kalo ada salah ntar tulis surat aje ye ke beliao)

Dadaaa...h!